【二手居屋】按揭伏位你要知!

十二月 21, 2020

居屋確實是不少港人的心水。只要合資格,都一定會想買二手居屋。居屋不單較私樓廉價,間隔實用。最重要是首期可向銀行借高達95%按揭,但注意事項亦較多,一不留意隨時錯過買入好時機。Roots上會今期就為大家講講二手居屋!

【值得買二手居屋嗎?】二手居屋按揭問題 | Roots 上會
只有4,5間大銀行會積極願意做居屋按揭。

邊間銀行會做居屋按揭?

現時只有4,5間大銀行會積極願意做居屋按揭。當中渣打銀行對居屋按揭審批比較保守,按揭年期會用25年減樓齡。所以基本上二手居屋好難借盡25年。建議各位採用其他幾間銀行。

二手居屋借唔借到30年?

根據政府規定,未補地價二手居屋綠表白表可以最長借25年。要留意一點就係每間銀行都會有一張”對數表”。這個對數表列明每個居屋單位可以借幾多年及幾多成。銀行會根據目標單位的首次發售日(並非樓齡)計算最長貸款年期。首次發售日起計20年內的居屋單位都有機會借盡25年,超過20年的話就未必可以。

二手居屋點借盡9成半按揭?

不論一手或二手,綠表可以借95%按揭,白表可以借90%按揭。同還款年期一樣,銀行會根據目標單位的首次發售日(並非樓齡)計算按揭成數。首次發售日起計20年內的居屋單位都有機會借盡9成半,超過20年的話就只可以借樓價6成。

關於按揭成數或年期詳情可參考【 按揭成數 2020】影響按揭成數的5大因素(樓價/物業類型/物業用途/持有方法/收入來源)

【值得買二手居屋嗎?】居屋按揭FAQ | Roots 上會
一般銀行係唔會特別睇申請人或業主收入證明,但係有機會查閱信貸評級。

申請居屋按揭時銀行會睇收入證明嗎?

一般銀行係唔會特別睇申請人或業主收入證明,但係有機會查閱信貸評級。只要信貸評級唔太差,沒有收入都好大機會獲批。

田土廳顯示上手居屋業主欠債會否影響新業主按揭?

答案睇情況同銀行。首先準業主要知道不論係買私樓定居屋任何新買賣都要確保上手業主解除所有田土廳上的法庭命令、”釘”等等。一日未解除上手業主遺留的問題,新業主有機會要承擔額外風險,另外銀行都不會批按揭給你。

假設準業主打算購入二手居屋而在田土廳發現上手業主曾經有”釘”,即使已被解除邊間銀行願意為新買家做按揭就要視乎情況。當你遇上這種情況,最好先WhatsApp Roots上會問一問先,待我們確保銀行肯做該單位的按揭先落訂。

【值得買二手居屋嗎?】居屋按揭利率 | Roots 上會
時規定一手或二手居屋按揭只能用P按。現時年利率大概2.5%。

居屋按揭利息可否用H按?

根據現時規定一手或二手居屋按揭只能用P按,不能有H按。現時年利率大概2.5%。

居屋業主可否轉按套現?

需要轉按/加按必須先去信房屋署得到其同意,並且要符合以下原因:

  • 醫療開支
  • 家庭成員教育開支
  • 殮葬費
  • 贍養費開支
  • 面臨財政困難

聯絡ROOTS上會可以預先審查按揭貸款批核,並提升批核機會至9成!

按揭類別

物業種類